Սյունիքի ճանապարհն ադրբեջանցիների կողմից նորից փակվելու վտանգն անցած չէ․ Տիգրան Աբրահամյան

Սյունիք տանող այլընտրանքային ճանապարհի շինարարության ախատանքները, որոնք այժմ են իրականացվում, պետք է ավելի շուտ սկսված լինեին։ Այդ մասին այսօր հրավիրած մամուլի ասուլիսում ասաց ԱԺ «Պատիվ ունեմ» խմբակցության պատգամավոր Տիգրան Աբրահամյանը։

Պատգամավորի խոսքով՝ Սյունիքի ճանապարհն ադրբեջանցիների կողմից նորից փակվելու վտանգն անցած չէ։

Ըստ Տիգրան Աբրահամյանի՝ իրավիճակին համահունչ գործողություններ չեն իրականացնում ՀՀ իշխանությունները։

Նա նշեց, որ իշխանությունն օգտվում է հանգամանքից, որ ընդդիմությունն, անվտանգային իրավիճակից ելնելով, չի ներկայացնում՝ ինչ խոցելի վիճակներ կան, ինչից էլ օգտվում է Փաշինյանի թիմը։