Ըստ փաստաբանի՝ եթե ևս 150 ընտրատեղամասում ձայները զրոյացվեն, ապա ընտրություններն անվավեր կճանաչվեն

Jun 23, 2021
1 min read

Փաստաբան Տիգրան Աթանեսյանը ֆեսյբուքյան իր էջում գրում է․

«Սահմանադրական դատարանի մասին սահմանադրական օրենքի 77 հոդվածի 14-րդ մաս՝ 14. Եթե գործի քննության արդյունքում Սահմանադրական դատարանը, սպառելով ապացույցներ ձեռք բերելու համար սույն օրենքով նախատեսված բոլոր միջոցները, այդուհանդերձ, հնարավորություն չի ունեցել պարզելու ընտրությունների իրական արդյունքները, սակայն Սահմանադրական դատարանի կողմից որպես հավաստի գնահատված ապացույցներից ակնհայտ է դարձել, որ ընտրախախտումներն ունեցել են կազմակերպված, զանգվածային, կրկնվող կամ պարբերական բնույթ, և դրանց համադրումը վկայում է դրանց միջև համակարգային այնպիսի փոխկապակցվածության մասին, որի պայմաններում խախտվում են Սահմանադրության 7-րդ հոդվածում ամրագրված ընտրական իրավունքի սկզբունքները, ապա որոշում ընդունելիս Սահմանադրական դատարանն իրավասու է այդ հիմքով անվավեր ճանաչելու ընտրությունների արդյունքները:

Այսինքն՝ գտեք ևս մի 150 տեղամաս, որտեղ դաշինքների օգտին տված ձայները գրեթե զրոյացվել են և կարող եք պահանջել ընտրությունների անվավերություն»։