Հարբած վարորդը Դավթաշենի կամրջի մոտ բախվել է երկաթե արգելապատնեշին

Օգոստոսի 17-ին՝ կեսգիշերին մոտ, Երևանի բնակիչ, 44-ամյա Էդգար Կոջոյանն իր վարած «Porsche Cayenne» մակնիշի մեքենայով Դավթաշեն վարչական շրջանում՝ ժողովրդին հայտնի Դավթաշենի փոքր կամրջի մոտ, դուրս է եկել ճանապարհի երթեւեկելի գոտուց, բախվել երկաթե արգելապատնեշին եւ կոտրել այն։ Այդ մասին հաղորդում է shamshyan.com–ը։

Ըստ նախնական տեղեկության՝ տուժածներ չկան։ Վարորդը ենթարկվել է սթափության փորձաքննության։ Պարզվել է, որ նա եղել Է ոչ սթափ (խմած)։

Դեպքի վայր է ժամանել ՀՀ ոստիկանության Պարեկային ծառայության պետ Արթուր Ումրշատյանը։ Ըստ աղբյուրի՝ վարորդը նրան խնդրել է՝ վթարը չձեւակերպվի, իր խմածությունը չարձանագրվի։