Search
Արմավիրում ոռոգման ջրի խնդիրը մասամբ լուծվել է
- Jun 27, 2021
- 1 min read
Արմավիրի մարզում ոռոգման ջրի խնդիրը մասամբ լուծվել է: Այդ մասին այսօր MediaHub.am-ի հետ զրույցում ասաց Ամբերդի բնակիչ Վազգեն Մկրտչյանը:
«Այսօր վաղ առավոտյան արդեն ջուր ունեինք։ Միայն Սևանից եկող ջուրն է հասանելի, Քասախից դեռ ջուր չենք ստանում»,- նշեց Ամբերդի բնակիչը:
Երեկ արմավիրցիները փակել էին Արմավիր-Երևան ավտոճանապարհը՝ պահանջելով լուծել ոռոգման ջրի խնդիրը:
Նրանք նշում էին, որ իրենց ամբողջ բերքը վառվել է, քանի որ հունիսի 21-ից ոռոգման ջուր չունեն, այնինչ ՋՕ-ից պնդում էին, թե ոռոգման ջրի հետ կապված խնդիրն առաջացել է հունիսի 24-ից, երբ վնասվել է Սևանից ջուր հասցնող ջրատարը:
Միևնույն ժամանակ, երեկվա ակցիայի ընթացքում Ջրառից արմավիրցիներին խոստացել էին մինչև օրվա ավարտ լուծել խնդիրը:
ความคิดเห็น