Գյուլբենկյան փողոցում կրակոցներ են հնչել

Երևանում կրակոցներ են հնչել: Դեպքի վերաբերյալ տեղեկությունը հաղորդում են Ոստիկանությունից:

Դեպքը գրանցվել է Գյուլբենկյան փողոցում: Դեպքի մեկնած օպերատիվ խումբն ու ոստիկանության այլ ստորաբաժանումների ծառայողները պարզել են, որ նշված փողոցի շենքերից մեկի բնակիչը, նախնական տվյալներով՝ ոչ սթափ վիճակում, իր բնակարանից հրացանով կրակոցներ է արձակել օդ:

Քաղաքացին բերման է ենթարկվել Արաբկիրի բաժին։

Նախնական տվյալներով՝ տուժածներ չկան, կատարվում է քննություն: