Search
Խաղաղապահները Մարտունու շրջանում ապահովում են գյուղատնտեսական աշխատանքների անվտանգությունը
- Nov 4, 2021
- 1 min read
Ռուսաստանյան խաղաղապահ զորախմբի զինծառայողները սկսել են ապահովել Արցախի Մարտունու շրջանի սահմանազատման գծի մոտ 100 հա տարածքում գյուղատնտեսական աշխատանքների անվտանգությունը։ Այդ մասին հայտնում է ՌԴ ՊՆ-ն։
«Այս պահին միջոցառումներ են իրականացվում Մարտունու տարածաշրջանում գյուղատնտեսական աշխատանքների անվտանգությունն ապահովելու ուղղությամբ։ Այս փուլում անհրաժեշտ է մշակել մինչև 16 հա մակերեսով հողատարածք։ Ընդհանուր առմամբ, անհրաժեշտ է մշակել մինչև 100 հա տարածք։ Հաշվի առնելով այն հանգամանքը, որ այս տարածքը գտնվում է կողմերի սահմանազատման գծի մոտ, վարչակազմը դիմել է ռուսական խաղաղապահների հրամանատարությանը՝ գյուղատնտեսական աշխատանքների անվտանգությունն ապահովելու խնդրանքով»,- ասել է ՌԴ ներկայացուցիչ Ալեքսեյ Կոլեսնիկովը։
Comments