Չկա և չի կարող գոյություն ունենալ «Զանգեզուրի միջանցք»․ Վարդան Ոսկանյան

Ակնհայտ է, որ երկրի ամբողջ անվտանգությունը գտնվում է թշնամու անմիջական ոտնձգությունների համար բաց տիրույթում։ Այդ մասին այսօր հրավիրված ասուլիսում ասաց «Պատիվ ունեմ» դաշինքի պատգամավորի թեկնածու Վարդան Ոսկանյանը։

Նրա խոսքով՝ եթե որևէ մեկն անցնի Գորիս-Կապան հատվածով, այնուհետև շարունակի ճանապարհը դեպի Իրանի սահման, ապա կտեսնի, թե ինչ վտանգներ կան։

Ըստ Վարդան Ոսկանյանի՝ ՀՀ քաղաքացին ուղղակի զզվանքով է անցնում այն հատվածներով, որտեղ կանգնած են ադրբեջանական բաշիբոզուկները։ Նա նկատեց՝ ադրբեջանցիներն իրենց ներկայությամբ անարգում են հայի արժանապատվությունը։

«Սա այս իշխանությունների անբարո քաղաքականության հետևանքն է»,- վստահեցրեց նա։

Վարդան Ոսկանյանը շեշտեց՝ թույլ չեն տա, որ որևէ միջանցք անցնի ՀՀ տարածքով։

Նա նաև պնդեց՝ չկա և չի կարող գոյություն ունենալ «Զանգեզուրի միջանցք»։