Եթե պատվաստվել եք, ինչո՞ւ եք դիմակով, կարո՞ղ է վարակվեք․ Արա Զոհրաբյանը՝ Անահիտ Ավանեսյանին

Խորհրդարանում կորոնավիրուսային համավարակով պայմանավորված խստացումների, մարդու իրավունքների վրա դրանց ազդեցության թեմայով քննարկման ժամանակ այսօր փաստաբանների պալատի նախկին նախագահ Արա Զոհրաբյանը, դիմելով առողջապահության նախարար Անահիտ Ավանեսյանին, հարցրեց, թե ինչո՞ւ է նա դիմակաով, եթե արդեն պատվաստվել է կորոնավիրուսի դեմ։

Ի պատասխան՝ Անահիտ Ավանեսյանը նախ՝ նշեց, որ պետք է հստակ հետևել սահմանված կարգին․ դա լավ օրինակ է, ապա հորդորեց, որ Արա Զոհրաբյանը դիմակ դնի։

Արձագանքելով՝ Զոհրաբյանն ասաց, որ Ավանեսյանը առողջապահության նախարարության շենքում կարող է տանտիրոջ իրավունքով հորդորել դիմակ դնել, հետո կրկնեց իր հարցը՝ պատվաստված մարդը կարո՞ղ է վարակվել։

Պատասխանելով՝ նախարարն ասաց, որ ինքը պատվաստանյութի երկու դեղաչափն էլ ստացել է։

«Այս պահին աշխարհում կան տարբեր երկրներ, որտեղ պատվաստման բավականին բարձր մակարդակ կա, բայց պահպանվում է դիմակի պարտադիր կրման պահանջը»,- ասաց նա և հավելեց՝ քանի որ դելտա շտամը բավականին լայն տարածում ունի, ցանկալի է, որ մարդիկ դիմակներով լինեն՝ անգամ պատվաստված լինելու դեպքում