ԱԱԾ տնօրեն Արթուր Վանեցյանը հորդորեց կանգ առնել․ անտարբեր գտնվեցինք․ Էդգար Ղազարյան

ՍԴ աշխատակազմի նախկին ղեկավար Էդգար Ղազարյանը ֆեյսբուքյան իր էջում գրում է․

«Սահմանադրական դատարանի նախագահ Հրայր Թովմասյանը զգուշացրեց, որ Սահմանադրական դատարանը զավթելու ծրագրի նպատակը Արցախը թշնամուն հանձնելն է․ անտարբեր գտնվեցինք։

Ազգային անվտանգության ծառայության տնօրեն Արթուր Վանեցյանը հորդորեց կանգ առնել․ անտարբեր գտնվեցինք։

Արտաքին գործերի նախարար Արա Այվազյանն ահազանգեց, որ ինքնիշխանություն ենք կորցնում․ անտարբեր գտնվեցինք։

Ազգային Հերոսի կոչման արժանացած ԶՈւ գլխավոր շտաբի պետի առաջին տեղակալն ասում է «Նիկոլն անասուն է», նորից անտարբեր ենք գտնվում։

Մեզ ի՞նչ է հարկավոր սթափվելու և իրողությունները ճիշտ հասկանալու համար»։