Հաշված ժամեր են մնացել․ Սուրեն Սարգսյան

Ամերիկյան հետազոտությունների կենտրոնի տնօրեն Սուրեն Սարգսյանը անդրադարձել է Պետդեպի վերջին հայտարարությանը։

Նա մասնավորապես գրել է․ «Եթե հաշված ժամերի ընթացքում հայկական կողմը չպատասխանի Պետդեպի «Վիճելի տարածքներ», ինչպես նաև «դեմարկացման հարցեր» ձևակերպումներին, կարող եք համարել, որ համանախագահ ամերիկացիները նաև հայկական կողմի հետ են համաձայնեցրել այս ձևակերպումները»:

Նա ավելացնում է նաև, որ փաստորեն հայկական կողմը ընդունել է, որ դրանք վիճելի տարածքներում դեմարկացիոն գործընթացներ են:

Ըստ Սարգսյանի, եթե հայկական կողմը այդ հայտարարությունների հետ համաձայն չէ, ուրեմն ադրբեջանցիներն աշխատել են ամերիկյան կողմի հետ, իսկ իրենք՝ ոչ:

«Մի քանի ժամից պարզ կլինի»,- նշել է նա։