Շփման գիծը պահելը բարդացել է Հայաստանի համար, նույնքանով էլ Ադրբեջանի համար․ Վարդան Ոսկանյան

Իրանագետ Վարդան Ոսկանյանը ֆեսյբուքյան իր էջում գրում է․

«Թշնամու հետ խաղաղության մասին խոսողներն իրենց հարց տվե՞լ են, թե արդյոք Բաքվում ցանկանո՞ւմ են այդ խաղաղությունը։ Իրականում թշնամին պատրաստվում է ոչ թե խաղաղության, այլ պատերազմի, այլապես կարիք չէր լինի նման ինտենսիվության պարբերական զորավարժություններ անցկացնելու»։

Վարդան Ոսկանյանը պարզաբանում է, որ որքանով, որ մեզ համար է դժվարացել Արցախի մասնակի բռնազավթման հետևանքով ի հայտ եկած շփման գիծը պահելը, գրեթե նույնքանով էլ դա բարդացել է թշնամու համար:

«Բերեմ, դիցուք, բռնազավթված Քարվաճառի շրջանի օրինակը, որը շրջափակված լինելով բնական պատնեշներով, Հայաստանի ու Արցախի բանակներով և ռուս խաղաղապահների կողմից հսկվող Քաշաթաղյան միջանցքով, ըստ էության, վերածվել է «կղզու», որտեղ ռազմական առումով մուտք գործելը շատ ավելի հեշտ է լինելու հենց Հայաստանից և Արցախից»: